كل عام ومدونتي بخيـر

بسم الله الرحمن الرحيم

نزلت موضوع وسحبته لاني ماكنت بكامل قواي العقلية لما كتبته

حسيته طويل وممل المهم  امس كنت احاول انام لاني تعبان بس ما قدرت

واليوم الصبح قعدت احوس بالانترنت اقرأ ابحاث ودخلت على مدونتي وفكرت اغير شوي

 بملفي التعريفي بالصدفة قريت تاريخ انشاء المدونة شهر نوفمبر ٢٠٠٨ ماذكر اي يوم 

انصدمت ..!

معقولة مدونتي بلغت ..؟

اقصد يعني كبرت ..!

طبعاً هذا مو عامها الاول الحقيقي، انا مريت بمراحل تدوينيه غريبة متذبذبه 

بديت بمدونة pudharee وبعدها احتجت اختلي بنفسي فاعتزلت الناس ومعاهم المدونه

 بعدها بفترة فتحت هاذي المدونة ونزلت فيها جم موضوع

 بعدين مسحتهم وقبل ٤ اشهر تقريبا رجعت للتدوين  ونزلت اول تدوينه لي بعد انقطاع 

ومن يومها الحمدلله وانا مواضب على الكتابة في المدونة والقراءة في المدونات الاخرى 

يعني العمر الحقيقي للمدونة هو ٤ شهور لكن العم بلوقر يقول سنة وما نقدر نكسر كلامه

يعني الحين مدونتي لها تاريخين ميلاد الحقيقي والمسجل بشهادة الميلاد :)

المراد اليوم مدونتي كملت عامها الاول

وكبرت وصارت عروس وقاعد ادور لها معرس 

فسمعوني احلى زئفة وزلغوووطة للأمورة

بعيد عن الملاقة الصباحية

احب اقول اني سعيد بالاستفادة الي حققتها وسعيدة بالعلاقات الي كونتها 

تشرفت بمعرفة مدونين متألقين ومميزين واستمعت بالحوار مع عقولهم

فرِح لاجابتي على بعض الاسئلة وسعيد إن في ناس تقرأ الي اكتبه

 سعيد اكثر إن في ناس تتابعني وتثري مدونتي بتعليقاتها ونصائحها واسئلتها 

يقول حبيبنا المصطفى :(مَنْ لَمْ يَشْكُرْ النَّاسَ لَمْ يَشْكُرْ اللَّهَ)

فشكراً لكم 

دمتم بخير